Трамп: ЗША выкарысталі перамір’е з Іранам для пераўзбраення

• 21.04.2026, 18:57

Паводле яго слоў, цяпер амерыканцы мацнейшыя, чым да пачатку аперацыі.

ЗША выкарысталі перамір’е з Іранам для пераўзбраення, і цяпер яны мацнейшыя, чым да пачатку аперацыі. Пра гэта заявіў прэзідэнт Дональд Трамп у інтэрв’ю тэлеканалу CNBC.

«Прыпыненне агню, што, як я думаю, было [добрай ідэяй], таму што мы цалкам пераўзброіліся. У нас так шмат боепрыпасаў, у нас так шмат усяго, што мы сталі значна магутнейшыя, чым былі чатыры ці пяць тыдняў таму. Таму мы выкарысталі гэта для папаўнення запасаў», — сказаў Трамп.

Паводле яго слоў, у выніку яны павінны заключыць «выдатную здзелку», бо ў Ірана няма выбару. ЗША знішчылі іранскі ваенна-марскі флот, ваенна-паветраныя сілы і лідараў, адзначыў амерыканскі прэзідэнт.

Амерыканскія вайскоўцы «гатовыя бамбіць Іран», калі пагадненне не будзе падпісана да вызначанага тэрміну спынення агню. Трамп дадаў, што не хоча падаўжаць перамір’е.