Мелоні адказала Салаўёву, не называючы яго

• 22.04.2026, 10:43

Прапагандыст не можа даваць урокаў ні паслядоўнасці, ні свабоды.

Прэм'ер-міністр Італіі Джорджа Мелоні адрэагавала у сацыяльнай сетцы X на крытыку на свой адрас з боку расійскага прапагандыста Уладзіміра Салаўёва і адзначыла, што кіруецца выключна інтарэсамі Італіі.

«Па сваёй прыродзе старанны прапагандыст рэжыму не можа даваць урокаў ні паслядоўнасці, ні свабоды. Але гэтыя карыкатуры дакладна не прымусяць нас змяніць курс. У адрозненне ад іншых, у нас няма ніякіх нітак, у нас няма гаспадароў, і мы не выконваем загады. У нас ёсць толькі адзін кампас: інтарэсы Італіі. І мы будзем працягваць ісці за ім з гонарам, насуперак прапагандыстам з усіх куткоў свету», — напісала Мелоні.

Нагадаем, раней Італія выклікала расійскага пасла пасля таго, як Уладзімір Салаўёў у прамым эфіры абразіў прэм'ер-міністра краіны.