Культавы суперкар Honda 90-х вяртаюць у вытворчасць

• 22.04.2026, 10:48

Адраджэнне легенды.

Знакаміты суперкар Honda NSX 90-х вяртаюць на рынак. Аўто захоўвае знаёмы дызайн і высокаабаротны атмасферны V6.

Новая Honda NSX дэбютавала на Тыдні дызайну ў Мілане, а яе вытворчасць плануюць пачаць у канцы 2026-га або на пачатку 2027-га года. Падрабязнасці пра аўто раскрылі на сайце (Pininfarina https://pininfarina.it/).

Менавіта гэта італьянскае атэлье ў супрацоўніцтве з кампаніяй JAS Motorsport і адраджае суперкар Honda NSX, прычым менавіта яго першае пакаленне 1990 года. Праект назвалі JAS Tensei JAS Tensei.

У Pininfarina дапрацавалі дызайн JAS Tensei, аднак ён застаецца пазнавальным. Новая Honda NSX 2026 шырэй, ніжэй і больш атлетычная, аднак захоўвае знаёмы сілуэт, фірмовае антыкрыло і нават высоўныя фары.

Разам з гэтым, аптыка JAS Tensei — сучасная, святлодыёдная. Да таго ж аўтамабілю крыху пашырылі крылы і павялічылі паветразаборнікі.

Салон Honda NSX не паказалі, але адзначылі, што кампановку пакінуць без змяненняў і толькі палепшаць аздабленне. На выявах можна разгледзець спартыўныя сядзенні.

Акрамя таго, суперкар Honda NSX 2026 захавае высокаабаротны атмасферны V6 і 6-ступеністую механічную каробку перадач. Характарыстыкі абяцаюць раскрыць крыху пазней, аднак вядома, што магутнасць вырасце і дасягне як мінімум 400 к.с.