Распрацоўшчык атруты «Навічок» Мірзяянаў заклікаў спыніць вайну

• 22.04.2026, 17:23

Пасля ўдараў па Туапсэ.

Хімік Віл Мірзяянаў, вядомы як адзін з распрацоўшчыкаў нервова-паралітычнага рэчыва «Навічок», заявіў пра сур'ёзную небяспеку дыму ад палаючых нафтабаз у Расіі і заклікаў спыніць «злачынную вайну».

Паводле яго слоў, пры гарыенні нафты ўтвараюцца паліцыклічныя араматычныя злучэнні, уключна з канцэрагенамі, якія здольныя назапашвацца ў арганізме чалавека. Ён адзначыў, што такія рэчывы практычна не выводзяцца пасля траплення ўнутр.

Мірзяянаў таксама выказаў занепакоенасць адсутнасцю адкрытых дадзеных пра якасць паветра ў раёнах пажараў і заклікаў спецыялістаў тэрмінова правесці даследаванні з выкарыстаннем храмата-мас-спектраметрыі.

«Я заклікаю ўсіх аператараў гэтых прыбораў неадкладна правесці аналізы і давесці вынікі да сусветнай грамадскасці, каб улады гэтых краін без прамаруджання спынілі гэты сапраўдны генацыд», — напісаў ён у «Фэйсбуку».