У Баку асудзілі першага з васьмі затрыманых расіян

• 23.04.2026, 1:26

Грамадзянін РФ атрымаў рэальны тэрмін.

У Азербайджане вынеслі прысуд расіяніну Аляксандру Вайсеро па абвінавачанні ў легалізацыі грашовых сродкаў, атрыманых злачынным шляхам, яго асудзілі да чатырох гадоў пазбаўлення волі. Пра гэта паведамляе выданне Minval.

Паводле версіі следства, ён легалізаваў больш за 727 тыс. манатаў, атрыманых «праз незаконныя букмекерскія, латарэйныя і іншыя азартныя сайты, што дзейнічалі па-за межамі краіны». Вайсеро, як піша Minval, дзейнічаў у складзе групы асоб па папярэдняй змове.

Ён з дапамогай банкаўскіх карт, аформленых на старонніх асоб, часткамі пералічваў сродкі, каб схаваць крыніцу даходу.

Аляксандр Вайсеро быў арыштаваны ў ліпені 2025 года разам з яшчэ сямю расіянамі. Суд краіны абвінаваціў іх у транзіце наркотыкаў з Ірана і кіберзлачынствах. Крыніца Reuters паведамляла, што ўсяго па справе аб гандлі наркотыкамі і кіберзлачынствах былі заподазраныя 15 грамадзян Расіі.

Тады Баку на фоне канфлікту з Масквой паведаміў пра ліквідацыю арганізаванай злачыннай групы.

У Екацярынбургу 27 чэрвеня сілавікі затрымалі дзясяткі выхадцаў з Азербайджана. Следчы камітэт назваў іх фігурантамі справы аб забойствах і замаху на забойства ў 2001, 2010 і 2011 гадах. Двое з затрыманых памерлі, СК назваў прычынай смерці аднаго з іх сардэчную недастатковасць.