Турцыя прыме саміт НАТА

• 23.04.2026, 2:07

Ён адбудзецца ў ліпені.

Турцыя прыме саміт НАТА ў Анкары 7–8 ліпеня. Пра гэта паведаміла штаб-кватэра Паўночнаатлантычнага альянсу.

«Паседжанне пройдзе пад старшынствам генеральнага сакратара НАТА ў прэзідэнцкай рэзідэнцыі Бештэпэ ў Анкары (Турцыя)», — адзначылі ў паведамленні.

Тым часам генеральны сакратар НАТА Марк Рутэ 22 красавіка наведаў Анкару ў межах падрыхтоўкі да саміту. Там ён правёў сустрэчы з кіраўніцтвам краіны і наведаў тэхналагічную базу ASELSAN.

Падчас сустрэчы з прэзідэнтам Рэджэпам Таіпам Эрдаганам Рутэ адзначыў унёсак Турцыі ў Альянс і абмеркаваў падрыхтоўку да будучага саміту НАТА ў Анкары.