Уступленне Чарнагорыі ў ЕС выходзіць на фінішную прамую

• 23.04.2026, 5:36

Працэс можа завяршыцца на працягу наступных двух гадоў.

Краіны Еўрапейскага саюза дамовіліся пачаць працу над дагаворам аб уступленні Чарнагорыі. Гэта невялікая балканская краіна можа стаць сябрам ЕС ужо да 2028 года, піша Euractiv.

Адзначаецца, што Падгорыца завяршыла перамовы па 14 з 35 «кластараў» перамоў, згрупаваных вакол розных тэм. Паслы краін ЕС дамовіліся стварыць «спецыяльную рабочую групу» для распрацоўкі пакта аб уступленні. Гэта тэхнічны, але ключавы крок на шляху да сяброўства, сказаў адзін з чыноўнікаў журналістам.

«Мы ўпэўненыя, што гэта стане магутным сігналам таго, што ўступленне ў ЕС блізкае для партнёраў па пашырэнні», — сказаў прадстаўнік Кіпра, які цяпер старшынствуе ў ЕС.

Чарнагорыя і Албанія з'яўляюцца лідарамі ў імкненні стаць першай краінай, якая далучыцца да ЕС упершыню з 2013 года, калі Еўрапейскі саюз папоўніўся Харватыяй. Міністр еўрапейскіх спраў Чарнагорыі Майда Горчэвіч кажа, што стварэнне рабочай групы стала «яшчэ адным пацвярджэннем таго, што мы на правільным шляху, каб Чарнагорыя стала 28-м членам Еўрапейскага саюза да 2028 года».

Чарнагорыя атрымала статус кандыдата на ўступленне ў ЕС 16 гадоў таму.