Буданаў назваў нечаканае наступства удараў беспілотнікаў па нафтабазах РФ

• 23.04.2026, 13:46

Ёсць момант, важнейшы за страту прыбыткаў ад нафты.

Удары беспілотнікаў па нафтавай інфраструктуры Расіі б'юць не толькі па яе кашальку — пад пытаннем апынаецца сама рэпутацыя краіны як пастаўшчыка сыравіны.

Як паведамляе РБК-Украіна, пра гэта на 18-м Кіеўскім форуме бяспекі заявіў кіраўнік Офіса прэзідэнта Кірыл Буданаў.

На пытанне, як ацэньваць шкоду ад удараў «невядомых добрых беспілотнікаў» — у доларах, у падзенні здабычы ці ў сарваных кантрактах, Буданаў адказаў, што менавіта трэці пункт самы важны.

«Афіцыйныя даныя ад прэзідэнта ўсе чулі, я іх пацвярджаю. Але недавыкананыя кантракты — гэта значна цікавей», — сказаў Буданаў.

Рэпутацыйны ўдар застанецца надоўга

Паводле слоў Буданава, галоўнае — не грошы і не аб'ёмы здабычы.

Галоўнае — імідж Расіі як дзяржавы, якая можа выконваць свае абавязацельствы.

«Расія атрымае іміджавы ўдар. Гэта самае важнае. Цэны на нафту яшчэ неяк балансуюць, вайна скончыцца — гэта ўсё роўна стабілізуецца. А вось іміджавы ўдар будзе дзейнічаць яшчэ вельмі доўга», — растлумачыў кіраўнік ОП.

Буданаў назваў нечаканае наступства удараў беспілотнікаў па нафтабазах РФ

Пад пытанне ставіцца Расія як надзейны пастаўшчык, здольны своечасова дастаўляць сыравіну пакупнікам. Паводле слоў Буданава, менавіта гэта будзе мець доўгатэрміновыя наступствы.

Што гэта азначае на практыцы

Сарваныя кантракты — гэта:

страта даверу з боку краін-пакупнікоў;

рэпутацыйныя страты, якія не кампенсуюцца пасля заканчэння вайны;

сігнал для партнёраў Расіі шукаць альтэрнатыўных пастаўшчыкоў.