Макрон зрабіў гучную заяву аб сыходзе з палітыкі

• 24.04.2026, 8:09

Названая дата.

Прэзідэнт Францыі Эманюэль Макрон не плануе займацца палітыкай пасля заканчэння свайго другога тэрміну ў 2027 годзе. Пра гэта ён сказаў падчас дыскусіі з вучнямі франка-кіпрскай школы ў Нікосіі, сталіцы Кіпра, якую ён наведаў перад нефармальным еўрапейскім самітам, паведамляе Укрінформ.

«Я не займаўся палітыкай раней (да прэзідэнцтва, — рэд.), і не буду займацца ёю потым», — заявіў Макрон.

Па яго словах, у апошні перыяд яго другога пяцігадовага тэрміну найцяжэй было абараніць свае дасягненні. Прэзідэнт Францыі растлумачыў, што ў свой час «распачаў палітычны рух, а потым пайшоў на прэзідэнцкую пасаду», бо заўсёды цікавіўся жыццём сваёй краіны і хацеў, каб ягоныя ідэі былі рэалізаваныя.

«Але гэта было дзеля таго і дагэтуль застаецца, каб рабіць рэчы, якія, на мой погляд, не проста карысныя. Гэта барацьба за тое, каб мая краіна і наша Еўропа рухаліся наперад і абаранялі каштоўнасці, у якія я веру, таму гэта пытанне страсці», — адзначыў Макрон.

Як вядома, Макрон стаў прэзідэнтам Францыі ў маі 2017 года. Ён перамог у другім туры выбараў. А ў красавіку 2022-га быў перавыбраны на другі тэрмін.