У Мінску прадаюць грыбы па 670 рублёў за кілаграм

• 24.04.2026, 16:21

І гэта не труфелі.

У крамах Мінска можна сустрэць даволі незвычайныя прадукты, аднак іх кошт часам сапраўды ўражвае, піша tochka.by.

Так, у продажы знойдзены сушаныя белыя грыбы вышэйшага гатунку. Цана складае 674,75 рубля за кілаграм, або 26,99 рубля за ўпакоўку вагой 40 грамаў.

Прадукт выраблены ў Расіі.

Пры гэтым грыбы лічацца адносна нізкакаларыйнымі — каля 150 ккал на 100 грамаў. Харчовая каштоўнасць на 100 г прадукту: бялкі — 20 г, тлушчы — 5 г, вугляводы — 7,5 г.