Радаслаў Сікорскі: Пуцін у тупіку

• 24.04.2026, 16:53

Генералы хлусяць яму пра рэальны стан спраў.

Міністр замежных спраў Польшчы Радаслаў Сікорскі у інтэрв'ю італьянскаму выданню Corriere della Sera, апублікаваным 24 красавіка, заявіў, што Расія страціла наступальную ініцыятыву ў вайне супраць Украіны, а яе кіраўніцтва можа атрымліваць скажоную інфармацыю пра сітуацыю на фронце.

Паводле яго слоў, лінія баявога судакранання застаецца адносна стабільнай, а колькасць расійскіх вайскоўцаў, якіх накіроўваюць на перадавую, паступова скарачаецца. Гэта, як лічыць Сікорскі, можа сведчыць пра вычарпанасць рэсурсаў расійскай арміі.

Ён таксама адзначыў, што расійскія войскі, паводле яго ацэнкі, страцілі «наступальны імпульс», і дапусціў, што вайсковае камандаванне можа не даносіць Уладзіміру Пуціну поўнай карціны таго, што адбываецца.

Кіраўнік польскага МЗС пагадзіўся з меркаваннем, што расійскі кіраўнік апынуўся «ў тупіку», дадаўшы, што аўтарытарныя лідары нярэдка занадта позна даведваюцца пра рэальнае становішча спраў, бо іх атачэнне схільнае фільтраваць інфармацыю.

Паводле слоў Сікорскага, раней Пуцін дэманстраваў якасці «тактыка і рэаліста», аднак цяпер, паводле яго ацэнкі, ён апынуўся закладнікам уласных амбіцый, звязаных з ідэяй «імперскага адраджэння».