З Лівана эвакуявалі 60 грамадзян Беларусі

• 24.04.2026, 17:47

Цяпер яны знаходзяцца ў Маскве.

21 красавіка ў Бейрут прыбыў спецборт МНС Расіі. Зваротным рэйсам у Маскву былі дастаўлены 67 грамадзян Расіі і 60 грамадзян Беларусі, якія апынуліся ў складанай сітуацыі з-за абвастрэння абстаноўкі ў Ліване.

Пра гэта заявіла на брыфінгу афіцыйная прадстаўніца МЗС Расіі Марыя Захарава.

Раней стала вядома, што Ізраіль і Ліван падоўжылі перамір’е на тры тыдні пасля сустрэчы паслоў дзвюх краін у Белым доме.