Украінскія баявыя беспілотнікі ўпершыню даляцелі да Урала

• 25.04.2026, 11:35

Выбухі прагрымелі ў Екацярынбургу і Чалябінску.

Украінскія беспілотнікі пераадолелі рэкордную адлегласць, дасягнуўшы расійскага Урала. Пра гэта паведаміў дарадца міністра абароны Украіны Сяргей Стерненка.

У Екацярынбургу Свярдлоўскай вобласці расійская РЭБ накіравала беспілотнік проста ў жылы дом, у выніку чаго пацярпелі шасцёра расіян.

Расійскія СМІ паведамляюць, што пацярпелі 25–30-я паверхі жылога комплексу «Трыніці» ў цэнтры горада.

Таксама выбухі чулі ў Чалябінску, інфармуюць мясцовыя каналы. У аэрапорце былі ўведзеныя часовыя абмежаванні на прыём і адпраўку рэйсаў.

Расійскія прапагандысты сетуюць, што за 10 гадзін палёту украінскія беспілотнікі не сустрэлі аніводнай працы СПА, даволі свабодна пераадолеўшы больш за 1800 км і даляцеўшы да «глыбокага тылу».

Таксама расіяне канстатуюць, што рэжым беспілотнай небяспекі і план «Кавёр» упершыню былі ўведзены ў Курганскай вобласці, якая знаходзіцца на стыку Урала і Сібіры.

Тым часам Мінбароны Расіі адрапартавала, што за ноч над расійскімі рэгіёнамі нібыта было перахоплена і знішчана 127 украінскіх беспілотнікаў.