Мінчукі зноў сталі ў вялізную чаргу

• 25.04.2026, 19:08

Куды на гэты раз?

За чым толькі беларусы не стаялі натоўпам у розных кропках краіны: за візамі, смажанкамі, білетамі ў тэатр, на гульні «Дынама». Відэа з яшчэ адной чаргой з'явілася сёння ў Threads — яна сабралася ў фае Нацыянальнай бібліятэкі, адзначае «Онлайнер».

«Гэта не вакзал, а ўсяго толькі «Бібліяноч» у Нацыянальнай бібліятэцы», — падпісаў відэа аўтар, дадаўшы, што яму мерапрыемства спадабалася, нягледзячы на тое, што на ўсіх трох паверхах бібліятэкі былі свае міні-чаргі.

«Бібліяноч» — гэта штогадовая акцыя па тыпу «Ночы музеяў», у межах якой бібліятэкі познім вечарам ладзяць розныя забаўляльныя і адукацыйныя актыўнасці. Беларусы, вядома, ходзяць на іх з задавальненнем, але такі ажыятаж бывае надзвычай рэдка.

У каментарыях, як звычайна, цэлы спектр меркаванняў:

— І што там у гэтым натоўпе можна было ўбачыць/даведацца? Уваход у бібліятэку і так бясплатны…

— Слухала са гукам. Гэта была тэхна-туса?

— Як добра, што я засталася дома пачытаць кнігу!