Сілы абароны Украіны разграмілі акупантаў на матацыклах, якія спрабавалі прарвацца на фронце

• 25.04.2026, 17:07

Варожая тэхніка і жывая сіла знішчаны на падступах.

Байцы групоўкі аб’яднаных сіл Украіны атакавалі дронамі матацыклетную групу расіян, якія спрабавалі прарвацца праз лінію фронту. Пра гэта паведамляе Telegram УОС.

«Аператары БПЛА своечасова выявілі і паразілі матацыклетную групу праціўніка пры спробе прарыву. Варожая тэхніка і жывая сіла знішчаны на падступах», — паведамілі ў групоўцы.

На кадрах, размешчаных у сацсетцы, бачна варожую сілу на матацыклах, якія даволі хутка спрабавалі прарвацца на ўкраінскія пазіцыі, аднак беспілотнікі зрабілі сваю справу — на відэа відаць толькі выбух і масіўны слуп дыму.

Ліквідацыя расіян адбылася адначасова ў некалькіх розных лакацыях, агнём беспілотнікаў былі знішчаны і тэхніка, і жывая сіла ворага.