ЗША перахапілі судна «ценявага флоту» Ірана ў Аравійскім моры

• 26.04.2026, 11:13

Аперацыю праводзілі з эсмінца USS Pinckney.

ЗША перахапілі ў Аравійскім моры судна «ценявага флоту» Ірана, якое спрабавала прарваць марскую блакаду і транспартаваць энергарэсурсы.

Пра гэта паведамляе Reuters.

Ідзецца пра судна Sevan, якое ўваходзіла ў групу з 19 караблёў, што транспартуюць іранскую нафту і газавыя прадукты на знешнія рынкі.

Паводле звестак вайскоўцаў, судна было перахоплена верталётам ВМС ЗША з эсмінца USS Pinckney. Цяпер яно выконвае загад вярнуцца ў Іран пад суправаджэннем амерыканскіх сіл.

У Цэнтральным камандаванні адзначылі, што судны «ценявага флоту» знаходзяцца пад санкцыямі Мінфіна ЗША праз удзел у транспартаванні энергарэсурсаў, у прыватнасці прапана і бутана, на мільярды долараў.

З пачатку марской блакады ўжо 37 суднаў былі вымушаныя змяніць курс.