Алкагольныя перавагі беларусаў змяніліся

• 26.04.2026, 11:39

Значна выраслі продажы гарэлкі.

У Беларусі пачалі купляць больш гарэлкі і моцных спіртных напояў у параўнанні з 2025 годам. Пра гэта гаворыцца ў справаздачы, апублікаванай на сайце Нацыянальнага статыстычнага камітэта.

У дакуменце параўноўваліся даныя за першы квартал 2025 і 2026 гадоў.

Значна выраслі продажы гарэлкі. Паводле інфармацыі Белстата, у студзені — сакавіку 2026 года колькасць прададзенага алкаголю аказалася на 2% большай, чым за аналагічны перыяд 2025-га. У літрах лічбы такія: 19,666 млн літраў у 2026-м супраць 19,286 млн літраў годам раней.

Часцей сталі купляць і іншыя моцныя напоі. Вось як выраслі іх продажы:

лікёры і лікёра-гарэлачныя вырабы — на 17,3%;

каньяк, каньячныя напоі і брэндзі — на 6,7%;

слабаалкагольныя напоі — на 2,8%.

Віно і піва, відаць, перасталі падабацца.

У першым квартале гэтага года продажы пладовых вінаў скараціліся на 21,3%, вінаградных вінаў — на 4,9%. Ігрыстых вінаў, уключаючы шампанскае, — на 2%. З півам таксама не ўсё гладка: продажы знізіліся на 3,6%.