У Мінску перадумалі працягваць метро ў Зялёны Луг

• 26.04.2026, 17:02

Лінію абмяжуюць плошчай Бангалор.

Лінію метро давядуць да плошчы Бангалор. Працягваць яе ў напрамку Зялёнага Луга не плануюць.

Пра змены ў планах будаўніцтва чацвёртай лініі метрапалітэна расказаў старшыня камітэта архітэктуры і горадабудаўніцтва Мінгарвыканкама Віктар Гуцько, паведамляюць «Мінск-Навіны».

«Лінію метро мы давядзём да плошчы Бангалор, а далей плануем рухацца ўздоўж вул. Арлоўскай і пр. Пушкіна ў бок станцыі метро «Пушкінская», дзе будзе перасячэнне з другой лініяй метро. Планаў па працягненні метро ў напрамку Зялёнага Луга ў бліжэйшай перспектыве ў нас няма», — заявіў Віктар Гуцько.

Паводле яго слоў, у сувязі са зменай маршруту пралягання лініі метро дамы па вул. М. Багдановіча, якія, згодна з горадабудаўнічай дакументацыяй, падлягаюць зносу, цяпер зносіць не будуць.

Разам з тым пад знос трапіць прыватная забудова ўздоўж вул. Арлоўскай, якая трапляе ў межы правядзення работ па будаўніцтве метро, удакладніў чыноўнік.

Першапачатковы план усіх ліній метро прадстаўлены на фота: