У дамы беларусаў прыйдуць камунальнікі

• 28.04.2026, 12:46

Агляд жыллёвага фонду пачаўся ў Мінску.

Камунальныя службы прыйдуць з аглядам у дамы беларусаў, паведамілі ў Мінскай гарадской жыллёвай гаспадарцы.

Так, цяпер у Мінску ўжо праводзіцца вясновы агляд жыллёвага фонду. Камунальнікі пракантралююць захаванасць і эксплуатацыйную надзейнасць дамоў, зоймуцца выяўленнем дэфектных участкаў канструкцый і інжынерных сістэм.

Падчас маніторынгу правераць стан сістэм вентыляцыі, дымавых і вентыляцыйных каналаў. Таксама ацэняць у цэлым тэхнічны стан дамоў — фасадаў, дахаў, балконаў, уваходных груп, элементаў аздаблення фасадаў, парапетаў і тэхнічны стан пад’ездаў. Таксама будзе кантроль за тэхнічнымі паверхамі і гарышчнымі памяшканнямі, працай агульных лічыльнікаў электраэнергіі і сістэм асвятлення.

Пры праверцы добраўпарадкавання прыдамавых тэрыторый пракантралююць стан пакрыццяў, дзіцячых і спартыўных пляцовак. Няспраўнасці, якія ўплываюць на бяспеку, будуць ліквідоўваць неадкладна, а калі гэта немагчыма — агароджваць або дэмантаваць.