Джон Коўл сустрэўся з прэзідэнтам Польшчы

• 28.04.2026, 13:38

Сустрэча адбылася ў панядзелак.

Спецыяльны пасланнік прэзідэнта ЗША па Беларусі Джон Коўл сустрэўся не толькі з міністрам замежных спраў і віцэ-прэм'ерам Радаславам Сікорскім, але і з прэзідэнтам Польшчы Каралем Навроцкім.

«Прэзідэнт Польшчы Караль Навроцкі прыняў у панядзелак спецыяльнага пасланніка прэзідэнта ЗША Дональда Трампа па Беларусі Джона Коўла», — паведаміла сёння днём канцылярыя прэзідэнта Польшчы.

Зазначым, у спісах на вызваленне неаднойчы быў палітвязень, журналіст і лідар польскай дыяспары ў Беларусі Анджэй Пачобут, вызвалення якога дамагаецца польскі бок, аднак ён дагэтуль знаходзіцца ў зняволенні.