Вызвалены польскі манах Гжэгож Гавел

• 28.04.2026, 16:47

Яго затрымалі ў Лепелі летась.

Сярод тых, хто быў вызвалены 28 красавіка з беларускай турмы ў межах абмену «пяць на пяць» — манах-кармеліт Гжэгож Гавел.

Гжэгож Гавел — грамадзянін Польшчы, ураджэнец Кракава, манах ордэна кармелітаў. У ліпені 2025 года абараніў магістарскую дысертацыю. Гавела затрымалі ў Лепелі 4 верасня 2025 года. У той жа дзень пра гэта паведамілі беларускія прапагандысцкія СМІ. Пры затрыманні пры ім знайшлі ружанец і адкрыткі-іконкі.

Гавела абвінавацілі ў «шпіянажы» — нібыта ён атрымаў сакрэтныя планы беларуска-расійскіх вучэнняў «Захад-2025».