Нобелеўскаму лаўрэату Алесю Бяляцкаму анулявалі беларускі пашпарт

• 3.04.2026, 12:57

Дакумент быў сапраўдны да 2028 года.

Нобелеўскаму лаўрэату Алесю Бяляцкаму анулявалі беларускі пашпарт.

Пра гэта паведамляе праваабарончы цэнтр «Вясна». Дакумент Бяляцкага быў сапраўдны да 2028 года.

«Гэта чарговая форма транснацыянальных рэпрэсій, скіраваная на тое, каб ускладніць жыццё дэпартаваным палітвязням па-за межамі краіны. Улады рытуальна адразаюць нашыя сувязі з Беларуссю. Марная справа, бо Беларусь заўсёды будзе ў нашых дзеях і сэрцах», — заявіў у каментары «Вясне» Алесь Бяляцкі, якога вызвалілі ў снежні 2025 года і прымусова вывезлі ў Літву.

Гэта ўжо не першы выпадак анулявання пашпартоў у вызваленых палітвязняў. Раней пра такую практыку паведамілі больш за 20 чалавек, у тым ліку праваабаронца Уладзімір Лабковіч, блогер Дзмітрый Казлоў і іншыя.