У Мінску будуць па-новаму аказваць хуткую медыцынскую дапамогу

• 3.04.2026, 18:48

Што зменіцца?

Цяпер у Мінску ўсіх пацыентаў, якім патрабуецца неадкладная медыцынская дапамога, прымае Бальніца хуткай медыцынскай дапамогі. Яна знаходзіцца ў Курасоўшчыне і разлічана на 1055 ложкаў, 124 з іх — у рэанімацыйных аддзяленнях і блоках інтэнсіўнай тэрапіі. У бліжэйшы час яе плануюць разгрузіць.

Плануюць пераразмеркаваць патокі пацыентаў паміж трыма рознымі цэнтрамі, паведаміў БелТА старшыня Мінгарвыканкама Уладзімір Кухараў.

Такі новы цэнтр БХМД з'явіцца на базе Мінскага НПЦ хірургіі, транспланталогіі і гематалогіі — ён возьме на сябе абслугоўванне трох раёнаў горада. Таксама пацыентаў будуць прымаць у 10-й гарадской бальніцы і ў самой Бальніцы хуткай медыцынскай дапамогі.