YouTube выдаліў каналы лукашэнкаўскіх дзяржаўных СМІ

• 3.04.2026, 21:26

Рашэнне прыняла адміністрацыя відэахостынгу.

YouTube выдаліў каналы лукашэнкаўскага інфармагенцтва БелТА, а таксама праўладных тэлеканалаў АНТ і СТВ.

«YouTube, здаецца, зрабіў апошнія крокі да прызнання «экстрэмісцкай пляцоўкай» і поўнай блакіроўкі ў Беларусі. Амаль усе асноўныя дзяржаўныя YouTube-каналы Беларусі (БелТА, АНТ, СТВ) выдалены з YouTube!» — заявілі ў Белтэлерадыёкампаніі.

БелТА паведаміла, што каналы былі выдалены 3 красавіка «адміністрацыяй відэахостынгу» з-за санкцый.