Тры краіны заблакавалі рэзалюцыю Савета Бяспекі ААН па Армузскім праліве

• 4.04.2026, 20:07

Дакумент прадугледжваў магчымасць прымянення сілы.

Расія, Кітай і Францыя, якія ўваходзяць у лік пяці пастаянных членаў Савета Бяспекі ААН і маюць права вета, блакуюць прыняцце рэзалюцыі, прапанаванай Бахрэінам. Яна дазволіла б арабскім краінам распачаць ваенныя дзеянні супраць Ірана, каб адкрыць транзіт суднаў праз Армузскі праліў, паведамляе The New York Times са спасылкай на дзве высокапастаўленыя крыніцы.

Галасаванне па рэзалюцыі запланавана на сёння, аднак Расія, Кітай і Францыя выступілі супраць любых фармулёвак, якія дазваляюць прымяненне ваеннай сілы.

У дакуменце, у прыватнасці, гаворыцца, што Савет Бяспекі «ўпаўнаважвае дзяржавы-члены, якія дзейнічаюць на нацыянальным узроўні або праз добраахвотныя шматнацыянальныя ваенна-марскія партнёрствы, выкарыстоўваць усе неабходныя сродкі для забеспячэння транзітнага праходу і прадухілення спроб закрыць, перашкодзіць або іншым чынам умешвацца ў міжнароднае судаходства праз Армузскі праліў».

Армузскі праліў — стратэгічна важны водны шлях, праз які звычайна праходзіць пятая частка сусветных паставак нафты і ЗПГ. Іран закрыў праход суднаў праз яго пасля пачатку вайны з ЗША і Ізраілем. Гэта прывяло да збояў у энергазабеспячэнні па ўсім свеце, рэзкага росту цэн на энерганосьбіты і рызыкі глабальнага харчовага крызісу. Напрыклад, Катар быў вымушаны цалкам спыніць здабычу прыроднага газу і абвясціць форс-мажор, скасаваўшы кантракты з пакупнікамі.

Паводле меркавання аналітыкаў, на якое спасылаецца NYT, рэзалюцыя Бахрэйну мае хутчэй сімвалічны, чым прагматычны характар, бо ўзброеныя сілы большасці краін Персідскага заліва адносна невялікія і моцна залежаць ад падтрымкі ЗША.