ЗСУ ліквідавалі вядомага расійскага прапагандыста

• 6.04.2026, 8:03

Ён напісаў кнігу пра вайну супраць Украіны.

Мікалай Шарапаў — Z-блогер і аўтар тэлеграм-канала «VELES тихонько пишет» — ліквідаваны Збройнымі Сіламі Украіны.

Пра смерць Шарапава ягоныя паплечнікі паведамілі 4 красавіка: ён памёр ад атрыманых раненняў.

Ён таксама быў аўтарам кнігі «СВОими глазами», прысвечанай вайне ва Украіне. У 2024 годзе за гэтую працу атрымаў расійскую літаратурную прэмію імя Арсеньева.

У сваім тэлеграм-канале з аўдыторыяй каля 50 тысяч падпісчыкаў Шарапаў апісваў паўсядзённае жыццё расійскіх вайскоўцаў на Пакроўскім напрамку і займаўся зборам сродкаў.

Шарапаў родам з Сібіры. З пачатку паўнамаштабнай вайны ў 2022 годзе ўдзельнічаў у баявых дзеяннях, камандаваў разведгрупай і працаваў аператарам беспілотнікаў.