«Расія такога дакладна не атрымлівала»

• 6.04.2026, 8:43

Кадры сустрэчы Зяленскага ў Сірыі выклікалі бурлівую рэакцыю ў Сеціве.

Візіт прэзідэнта Украіны Уладзіміра Зяленскага ў Сірыю здзівіў экспертаў. На кадрах — вайсковы аркестр, украінскія сцягі ўздоўж дарог і незвычайна цёплая атмасфера паміж лідарамі.

Палітолаг Чарльз Лістэр звярнуў увагу на незвычайныя кадры сустрэчы прэзідэнта Украіны Уладзіміра Зяленскага ў Сірыі. Каментуючы візіт Зяленскага, эксперт адзначыў, што фармат прыёму прыкметна адрозніваўся ад таго, як у краіне раней сустракалі іншых кіраўнікоў дзяржаў.

Паводле яго слоў, на апублікаваных кадрах можна ўбачыць вайсковы аркестр, афіцыйную цырымонію сустрэчы, а таксама украінскія сцягі, размешчаныя ўздоўж дарог.

«Не прыгадаю, каб бачыў падобнае прэзідэнцкае відэа па выніках якога-небудзь папярэдняга дзяржаўнага візіту. Расія такога дакладна не атрымлівала», — напісаў Лістэр.