FT: ЗСУ спалілі расійскія нафтадолары

• 6.04.2026, 9:18

Атакі на парты акупантаў паказалі слабасць расійскай СПА.

Атакі ўкраінскіх дронаў на расійскія парты ў Балтыйскім моры часткова перашкодзілі краіне-агрэсару скарыстацца ростам цэн на нафту і выявілі яе слабыя месцы ў супрацьпаветранай абароне, гаворыцца ў матэрыяле Financial Times.

Паводле ацэнак кіраўніка аддзела даследаванняў у сферы энергетыкі Кіеўскай школы эканомікі Барыса Дадонава, Расія ў выніку пяці атак на Прыморск і Усць-Лугу ў Ленінградскай вобласці страціла каля 970 млн долараў даходаў за тыдзень — з 23 па 29 сакавіка.

Удары па двух галоўных экспартных пунктах Масквы ў Балтыйскім моры могуць скараціць звышпрыбыткі Крамля, якія выраслі праз скачок цэн на нафту да больш як 100 долараў за барэль у выніку вайны ў Іране, піша FT.

На Прыморск і Усць-Лугу прыпадае больш за 40% марскіх магутнасцяў Расіі па экспарце нафты. Паводле дадзеных заходняга прадстаўніка службаў бяспекі, толькі ў Прыморску ў выніку атак Сіл абароны Украіны згарэла нафты на суму 200 млн долараў.

Усць-Луга забяспечвае каля 8% сусветнага аб'ёму нафты. Паводле ацэнак аналітыкаў, пасля атак у апошні тыдзень сакавіка экспарт адтуль скараціўся прыкладна на 70%.

Расія можа аднавіць адгрузку нафты з Балтыйскага мора за некалькі дзён, хай і не ў поўным аб'ёме, але аднаўленне спаленых рэзервуараў і рамонт тэхналагічных ліній на тэрміналах могуць заняць месяцы, піша FT.