З’явіліся здымкі пажару на найбуйнейшым нафтавым тэрмінале РФ на Чорным моры

• 6.04.2026, 12:29

Фотафакт.

«Шэсхарыс», найбуйнейшы нафтаналіўны тэрмінал на поўдні Расіі, загарэўся пасля масіраванай атакі ўкраінскіх беспілотнікаў у ноч на 6 красавіка. Пра гэта паведамляе Bloomberg са спасылкай на спадарожнікавыя здымкі НАСА. На здымках, зробленых у панядзелак сістэмай адсочвання пажараў, бачныя асяродкі ўзгарання ў раёне порта Наварасійска, у тым ліку на тэрмінале «Шэсхарыс».

Сістэма НАСА перадае даныя пра пажары ў рэжыме рэальнага часу для ЗША і Канады, на працягу трох гадзін – для астатніх рэгіёнаў свету. Тэрмінал «Шэсхарыс» уваходзіць у структуру «Транснафты», з’яўляецца канчатковым пунктам яе трубаправодаў на поўдні Расіі. Яго магутнасць складае 3,5–4,5 млн тон сырой нафты (каля 1 млн барэляў у суткі, або 35–40 буйных танкераў у месяц), што забяспечвае да 20% марскога экспарту Расіі. Ажыццяўляе адгрузку не толькі сырой нафты, але таксама мазуту і дызельнага паліва.