Міністэрства аховы здароўя пацвердзіла адмену платнай медыцынскай адукацыі

• 6.04.2026, 15:15

За выключэннем завочнай фармацэўтычнай.

З новага навучальнага года (2026/2027) у Беларусі адмяняецца платная адукацыя па медыцынскіх спецыяльнасцях, вынікае з заявы дзяржаўным СМІ начальніцы галоўнага ўпраўлення кадравай работы і прафесійнай адукацыі Міністэрства аховы здароўя Вольгі Калюпанавай.

Платнае навучанне застанецца толькі на завочнай форме па фармацэўтычным напрамку.

Ці будуць плаціць за адукацыю тыя, хто паступіў у медыцынскія ўніверсітэты ў мінулыя гады, не ўдакладняецца.

Паводле слоў чыноўніцы, у новым навучальным годзе колькасць бюджэтных месцаў на медыцынскія спецыяльнасці павялічыцца на 760. Усяго ў 2026 годзе ў медыцынскія ўніверсітэты запланавана прыняць 3 615 студэнтаў дзённай формы навучання і 55 — завочнай (па фармацэўтычным напрамку).