У Беларусі змянілі правілы перапланіроўкі кватэр

• 6.04.2026, 15:50

Што цяпер дазволена без праекта.

Урад прыняў пастанову, якая спрашчае правілы пераўладкавання і перапланіроўкі жылых памяшканняў. Дакумент падпісаў прэм’ер-міністр Аляксандр Турчын, на гэта звярнуў увагу Myfin.

Пастанова, падрыхтаваная з улікам практыкі ўзаемадзеяння мясцовых улад з грамадзянамі, накіраваная на максімальнае спрашчэнне працэдур для жыхароў шматкватэрных дамоў і датычыцца прац, якія не закранаюць канструкцыйныя элементы будынкаў.

Галоўнае наваўвядзенне: гідраізаляцыю, параізаляцыю і гукаізаляцыю цяпер можна выконваць без распрацоўкі праекта. Акрамя таго, неабавязкова заключаць дагавор будаўнічага падраду.

Працы могуць выконваць як сам ініцыятар, так і прыцягнутыя асобы — пры гэтым без патрабавання да асноўнага віду дзейнасці, хоць раней патрабавалася ліцэнзія або адпаведны профіль кампаніі. Пералік дакументаў для адміністрацыйных працэдур скарацілі.

Пры гэтым з пераліку прац, што адносяцца да перапланіроўкі, выключылі тыя, якія змяняюць нясучыя канструкцыі, сістэмы выдалення смецця і газу, а таксама цеплаізаляцыю. Такія ўмяшанні па-ранейшаму лічацца рэканструкцыяй і рэгулююцца будаўнічым заканадаўствам.

Спрасцілі і атрыманне ўзгадненняў на ўстаноўку індывідуальных антэн і іншых канструкцый на дахах і фасадах. З патрабаванняў выключылі план-схему размяшчэння. Таксама спрасцілі працэдуру ўзгаднення ўжо самавольна ўсталяваных антэн.

Перапланіроўку ў кватэрах беларусаў спрасцяць. Праект не спатрэбіцца?

Савмін Беларусі прыняў новую пастанову, якая спрашчае правілы пераўладкавання і перапланіроўкі жылых памяшканняў. Дакумент падпісаў прэм’ер-міністр Аляксандр Турчын.