Трамп хацеў узброіць іранцаў, каб справакаваць новае паўстанне

• 6.04.2026, 19:22

Але план праваліўся.

Прэзідэнт ЗША Дональд Трамп заявіў, што зброя, якую павінны былі перадаць іранскаму народу, не дайшла да адрасатаў, паколькі яе прысвоілі пасрэднікі.

Пра гэта заявіў Трамп у эфіры Fox News.

«Мы прыслалі крыху зброі. Яна павінна была дастацца іранскаму народу. Ведаеце, што адбылося? Тыя, праз каго мы яе адправілі, пакінулі яе сабе», — падкрэсліў Трамп.

Ён дадаў, што ў лютасці з-за зрыву гэтага плана і прыгразіў датычным жорсткімі наступствамі.

«Я вельмі злы на пэўную групу людзей, і яны заплацяць за гэта высокую цану», — дадаў амерыканскі лідар.

Асобна Трамп выказаў меркаванне, што атрыманне зброі магло б хутка змяніць сітуацыю ўнутры Ірана. Паводле яго слоў, пасля гэтага іранскі народ пачаў бы супраціўляцца.

«Каб у іх была зброя, Іран здаўся б за дзве секунды», — падсумаваў ён.