Трамп: Я збіраюся балатавацца ў прэзідэнты Венесуэлы

• 7.04.2026, 6:11

Прэзідэнт ЗША заявіў, што для гэтага вывучыць іспанскую мову.

Прэзідэнт ЗША Дональд Трамп заявіў, што пасля завяршэння канфлікту ў Іране ён вывучыць іспанскую мову і паспрабуе пазмагацца за пасаду прэзідэнта Венесуэлы. Пра гэта ён сказаў на прэс-канферэнцыі, відэа апублікаваў C-Span.

«Пасля таго, як я скончу з гэтым, я магу паехаць у Венесуэлу. Я хутка вывучу іспанскую мову <...> Я паеду ў Венесуэлу. Я збіраюся балатавацца ў прэзідэнты», — сказаў Трамп.

Ён падкрэсліў, што вывучэнне іспанскай мовы «не зойме шмат часу» дзякуючы яго здольнасцям.