Беларусаў чакаюць парывы ветру да 72 км/г

• 7.04.2026, 9:15

Абвешчаны аранжавы ўзровень небяспекі.

Белгідрамет на 7 красавіка абвясціў аранжавы ўзровень небяспекі па паўднёва-заходняй палове Беларусі, а таксама ў Мінску з-за моцнага заходняга, паўночна-заходняга ветру, парывы якога могуць дасягаць 15-20 м/с (54-72 км/г).

У МНС (Міністэрстве па надзвычайных сітуацыях) папярэдзілі, што штарм можа прывесці да абрыву ліній сувязі і электраперадач, парушэння электразабеспячэння, а таксама да разбурэння канструкцый і падзення дрэў.

На большай частцы Беларусі прагназуюцца ападкі (дождж, мокры снег), а ўдзень на поўдні магчымыя нават навальніцы. Тэмпература паветра +3…+9°С.

Белгідрамет і МНС папярэдзілі пра аранжавы ўзровень небяспекі з-за ветру да 72 км/г

Халоднае і сырое надвор'е пратрымаецца да канца тыдня.