Ізраіль знішчыў базу расійскіх верталётаў каля Тэгерана

• 7.04.2026, 14:43

Відэафакт.

Ізраіль нанёс новыя ўдары па тэрыторыі Ірана, знішчыўшы парк ваенных верталётаў паблізу сталіцы. Мэтай сталі аб'екты Корпуса вартавых Ісламскай рэвалюцыі, піша Defence Blog.

Удары былі нанесены па двух авіяцыйных аб'ектах у раёне Тэгерана. Армія абароны Ізраіля апублікавала відэа, на якім бачна знішчэнне верталётаў расійскай вытворчасці серыі Мі-17 на вертадроме Фатх у Караджы.

Паводле слоў авіяцыйнага аналітыка Бабака Тагваі, пад удар трапілі машыны тыпу Мі-17В-5 і Мі-171Е, якія выкарыстоўваюцца для транспартавання войскаў і лагістыкі.

Атаку ажыццявілі з дапамогай высокадакладнай крылатай ракеты Delilah, распрацаванай кампаніяй Israel Aerospace Industries. Гэтае ўзбраенне здольнае доўга знаходзіцца над мэтай перад ударам і дакладна паражаць аб'екты нават у складаных умовах.