У Беларусі лютаваў шквалісты вецер

• 7.04.2026, 12:31

МНС паведаміла пра наступствы.

Учора вечарам па краіне пракаціўся шквалісты вецер, у некаторых рэгіёнах не абышлося без наступстваў, паведамілі ў МНС.

У чатырох абласцях — Віцебскай, Брэсцкай, Мінскай і Гродзенскай — ратавальнікам давялося прыбіраць дрэвы, што паваліліся на дарогі.

У Гродне на вуліцы Гаспадарчай парывам ветру сарвала металічны ліст з парапета гандлёвага цэнтра. Ратавальнікі дэмантавалі канструкцыю. Падобная дапамога па прыбіранні рэкламнага шчыта і элементаў даху спатрэбілася ў Брэсце.

Па аператыўных звестках, ва ўсіх выпадках абышлося без пацярпелых.