Пад Гроднам нарадзілася авечка-панда

• 7.04.2026, 19:15

Фотафакт.

На адной з ферм пад Гроднам нарадзілася незвычайнае ягня з вельмі арыгінальным акрасам. Жывёлу назвалі Піпа, і яно ўжо стала папулярным у сацсетках, піша Newgrodno.by.

Асаблівасць ягняці ў тым, што яно падобнае на панду: у яго светлая пысачка і цёмныя кругі вакол вачэй. Менавіта з-за такога незвычайнага выгляду яно прыцягнула ўвагу людзей.

Гаспадыня фермы распавяла, што ягня — метыс з рознымі генамі, у тым ліку раманоўскай пароды і мясных ліній. Яна адзначыла, што жывёла атрымалася асаблівай.

Жадаючых набыць Піпу ўжо шмат, але гаспадары прынялі рашэнне яе не прадаваць — лічаць жывёлу часткай сваёй сям'і. Ягня нарадзілася 27 сакавіка і за кароткі час стала ўсеагульнай любіміцай.