Трактар «Беларус» з'явіцца на беларускіх грошах

• 8.04.2026, 8:42

Фотафакт.

На беларускіх манетах з'явіцца трактар «Беларус». Пра гэта паведаміў Нацыянальны банк.

З 22 красавіка 2026 года ў зварот паступяць памятныя манеты «Мінскі трактарны завод. 80 гадоў». Гэта першыя манеты, адчаканеныя на гомельскім прадпрыемстве «Крышталь».

Плануецца выпуск срэбных манет наміналам 20 рублёў, а таксама манет з нейзільберу наміналам 1 рубель. У Нацбанку адзначылі, што гэты сплаў упершыню выкарыстаны пры чаканцы беларускіх манет.

Пра тое, калі памятныя манеты паступяць у продаж, будзе абвешчана дадаткова.