Астранаўты «Артэміс II» паказалі захапляльныя здымкі

• 8.04.2026, 9:42

Заход Зямлі і сонечнае зацменне.

Астранаўты місіі «Артэміс II» апублікавалі першыя здымкі адваротнага боку Месяца, зробленыя падчас аблёту спадарожніка Зямлі.

Экіпаж выкарыстаў некалькі камер і зрабіў тысячы фотаздымкаў. Ужо апублікаваныя кадры паказваюць участкі паверхні Месяца, якія раней чалавек не назіраў. На іх бачныя вялікія ўдарныя кратары, старажытныя лавовыя патокі і расколіны ў месяцовай кары.

Апроч таго, астранаўты зафіксавалі рэдкія касмічныя з’явы. Сярод іх — сонечнае зацменне, назіранае з космасу, а таксама «усход» і «заход» Зямлі над месяцовым гарызонтам.

Падчас пралёту экіпаж таксама паведаміў пра шэсць успышак на паверхні Месяца, якія, меркавана, былі выкліканыя падзеннем метэорных часцінак.