«Белтэлекам» уводзіць змены
- 8.04.2026, 12:22
Спіс навацый.
«Белтэлекам» уводзіць змены для кліентаў. «Зеркало» склала падборку навацый.
Навацыі для беларусаў
У «Белтэлекама» да 31 мая ўключна дзейнічае акцыя па тарыфным плане «Рекорд 100 Промо», які прадугледжвае інтэрнэт са хуткасцю 100/50 Мбіт/с.
«З 1 чэрвеня 2026 года падключэнне новых абанентаў да гэтага тарыфнага плана будзе спынена. Але для тых, хто паспее падключыцца да гэтай даты, фіксаваны кошт гэтага тарыфнага плана застанецца назаўсёды», — сцвярджаюць у кампаніі.
Абаненцкая плата па гэтым тарыфным плане — 29,8 рубля ў месяц.
У сакавіку ў пашыраных і базавых пакетах ZALA IPTV, а таксама ў базавым пакеце «Канапа ТВ» SMART ZALA пачалося вяшчанне новых тэставых тэлеканалаў. Сярод іх — «Наше новое кино», «МУЗЫКА ЛАЙВ», гістарычны «365 дней ТВ», «В мире животных», «Мужской», «КВН ТВ».
Нагадаем, з 6 красавіка гэтага года «Белтэлекам» павысіў тарыфы на некаторыя паслугі — як для фізічных асоб, так і для кампаній. Падаражанне закранула ў тым ліку і тэлефонную сувязь — мясцовую і міжнародную. Напрыклад, падключэнне стацыянарнага тэлефона пачало каштаваць 15 рублёў (+2 рублі).
Пры гэтым тарыфы не павысіліся, напрыклад, на інтэрнэт byfly, тэлебачанне ZALA, паслугі электрасувязі, міжгароднія тэлефонныя званкі.
Што змянілася для бізнесу
З 3 красавіка «Белтэлекам» пашырыў лінейку паслуг антывіруснай абароны. «Цяпер юрыдычныя асобы і індывідуальныя прадпрымальнікі могуць аформіць падпіску на ліцэнзійнае праграмнае забеспячэнне Kaspersky Small Office Security. Гэтае рашэнне распрацавана спецыяльна для невялікіх кампаній, якім патрэбная надзейная абарона без складанага адміністравання. Пры першым падключэнні прадастаўляецца 30-дзённы бясплатны тэставы перыяд», — паведамілі ў кампаніі.
Паслуга прадастаўляецца на ўмовах падпіскі, якая аўтаматычна падаўжаецца і застаецца актыўнай да таго часу, пакуль абанент ёй карыстаецца. Кошт адной ліцэнзіі — пяць рублёў без ПДВ у месяц. Колькасць абараняемых прылад залежыць ад колькасці набытых ліцэнзій: мінімум — пяць прылад, максімум — 25.