МЗС Украіны адказала Вэнсу

• 8.04.2026, 14:51

Віцэ-прэзідэнт ЗША абвінаваціў Кіеў ва ўмяшанні ў выбары ў Венгрыі.

Выказванні віцэ-прэзідэнта ЗША Джэй Дзі Вэнса аб умяшанні Украіны ў выбары ў Венгрыі і ЗША абумоўлены перадвыбарчай рыторыкай. Пра гэта заявіў спікер МЗС Украіны Георгій Ціхі на брыфінгу, перадае карэспандэнт unian.net.

«Я заклікаю ўсіх поўнасцю праслухаць гэту прэс-канферэнцыю, дзе гэта прагучала. І вам стане відавочна, што журналісты, якія там прысутнічалі, не буду даваць ацэнку іх афарбоўцы, але яны шмат разоў запар спрабавалі справакаваць віцэ-прэзідэнта ЗША на розныя рэзкія заявы», — сказаў ён.

Спікер МЗС Украіны адзначыў, што практычна на ўсе такія спробы віцэ-прэзідэнт ЗША адказваў нейтральна.

«А што да той фразы, якая прагучала, то мы разумеем, што гэта адбылося ў межах выбарчай кампаніі. Мы не надаём занадта эмацыйна-рэзкага адцення таму, што прагучала. Таму мы не перабольшваем значэнне гэтай заявы», — дадаў Ціхі.

Нагадаем, што раней віцэ-прэзідэнт ЗША Джэй Дзі Вэнс, адказваючы на пытанні журналістаў, заявіў, што абвінаваціў еўрапейскіх бюракратаў ў адным з найгоршых знешніх умяшанняў у выбары ў Венгрыі. Таксама, паводле яго слоў, амерыканскім уладам вядома, што «ў украінскіх разведвальных службах ёсць элементы», якія нібыта спрабуюць паўплываць на выбары ў ЗША і Венгрыі.