Іран атакаваў ААЭ, Кувейт і Бахрэйн

• 8.04.2026, 15:09

Нягледзячы на перамір'е.

Аб'яднаныя Арабскія Эміраты, Кувейт і Бахрэйн паведамілі пра ракетныя і беспілотныя атакі на свае тэрыторыі, нягледзячы на двухтыднёвае перамір'е паміж ЗША і Іранам, піша Al Jazeera.

Міністэрства абароны ААЭ заявіла, што іх сістэмы СПА перахоплівалі ракеты і беспілотнікі, запушчаныя з Ірана. У розных раёнах краіны былі чутныя выбухі.

У Кувейце паведамілі, што іранскія беспілотнікі ўдарылі па ключавых нафтавых аб'ектах, электрастанцыях і заводах па апрасненні вады, якія нанеслі сур'ёзную шкоду інфраструктуры. Паводле даных кувейтскіх уладаў, сістэмы СПА збілі 28 беспілотнікаў, якія атакавалі краіну а 08:00 па мясцовым часе.

У Бахрэйне Міністэрства ўнутраных спраў адзначыла, што Тэгеран запусціў беспілотнікі праз некалькі гадзін пасля абвяшчэння ЗША пра спыненне агню. У выніку падзення абломкаў двое чалавек атрымалі раненні, а некалькі дамоў былі пашкоджаныя.

Раніцай у сталіцы Манаме прагрымелі выбухі, дым падымаўся з раёна на востраве Сітра, дзе знаходзяцца асноўныя энергетычныя аб'екты Бахрэйна.