У Магілёве закрылі яшчэ адну краму вядомай сеткі

• 8.04.2026, 15:31

У ёй выявілі дзясяткі кілаграмаў пратэрмінаваных тавараў.

У Магілёве прыпынілі працу яшчэ адной крамы сеткі «Белмаркет». Пра гэта паведаміла 8 красавіка прэс-служба Міністэрства антыманапольнага рэгулявання і гандлю.

У ведамстве адзначылі, што «праверка гандлёвай сеткі працягваецца па ўсёй рэспубліцы ўжо не першы дзень, але парушэнняў менш не становіцца». На гэты раз прэтэнзіі ў правяральнікаў узніклі да гандлёвага аб’екта, размешчанага па адрасе: вуліца Першамайская, 160, Магілёў.

«З паліц указанай крамы кантралёрамі знятыя мясныя паўфабрыкаты, фарш, безалкагольныя напоі, каўбасныя і хлебабулачныя вырабы са скончанымі тэрмінамі прыдатнасці. Таксама забароненая рэалізацыя больш за 20 кг курэй-грыль, вызначыць час вырабу якіх не ўдалося», — паведамілі ў МАРГ.

Сярод іншых прэтэнзій — невыкананне абавязковага пераліку тавараў, неналежнае афармленне цэнікаў, адсутнасць інфармацыі пра тавары, неналежная выкладка тавараў, якія змяшчаюць выяву дзяржаўнай сімволікі.

Дзейнасць крамы прыпынілі да ўстаранення выяўленых парушэнняў.

«З улікам сістэматычных парушэнняў, што выяўляюцца ў дадзенай сетцы, інфармацыя для прыняцця неабходных мер рэагавання накіравана ў Мінгарвыканкам», — папярэдзілі ў міністэрстве.