У Беларусі ўкрупняюць найменшы раён

• 8.04.2026, 16:00

Плошчу павялічаць за кошт суседзяў.

Плошча Дрыбінскага раёна павялічыцца прыблізна на 100 квадратных кіламетраў (10 тысяч гектараў) пасля ўкрупнення за кошт далучэння тэрыторый суседніх раёнаў. Пра гэта заявіў кіраўнік Магілёўшчыны Анатоль Ісачэнка, піша БелТА.

«Сёння ў нас тры сельгаспрадпрыемствы ў Дрыбінскім раёне. У выніку рэарганізацыі іх будзе шэсць. Раён павялічыцца па плошчы прыкладна на 10 тыс. га. Гэта будзе сярэднестатыстычны раён Магілёўскай вобласці», — сказаў Анатоль Ісачэнка.

Укрупненне плануецца за кошт земляў Магілёўскага, Шклоўскага і Горацкага раёнаў. Пры гэтым падыход прадугледжвае не проста пашырэнне тэрыторыі, але і перадачу дзейных прадпрыемстваў.

Дрыбінскі раён — найменшы ў Беларусі, яго плошча ўсяго 767 квадратных кіламетраў, насельніцтва — 8922 чалавекі. Тут толькі чатыры сельсаветы.

Дрыбінскі раён быў заснаваны ў 1924 годзе ў складзе Аршанскай акругі і двойчы скасоўваўся: у 1931 і 1959 гадах. У 1959 годзе яго тэрыторыя была падзелена паміж Шклоўскім, Горацкім, Чаўускім і Мсціслаўскім раёнамі. Адноўлены ў 1959 годзе. У самім Дрыбіне жыве 2877 чалавек.