Z-прапагандыст уцёк з РФ з-за пагрозаў ФСБ

• 9.04.2026, 9:37

Цяпер ён нібыта знаходзіцца ў Грэцыі і просіць падтрымкі.

Рэгулярны ўдзельнік расійскіх перадач на федэральных каналах, заўзяты прапуцінскі прапагандыст Віктар Алевіч трапіў у няміласць Крамля. Нядаўна ён заявіў, што пакінуў Расію з-за ціску з боку ФСБ. На гэта звярнуў увагу ўкраінскі журналіст Дзяніс Казанскі.

Паводле слоў Алевіча, сілавікі двойчы прыходзілі да яго дадому з пагрозамі, патрабуючы супрацоўніцтва і афармлення расійскага грамадзянства. Прапагандыст сцвярджае, што адмовіўся выконваць гэтыя патрабаванні, пасля чаго вырашыў з'ехаць, баючыся за сваю бяспеку.

Цяпер ён нібыта знаходзіцца ў Грэцыі і просіць падтрымкі, нагадваючы, што з'яўляецца грамадзянінам Злучаных Штатаў. Пры гэтым раней Алевіч рэгулярна з'яўляўся на федэральных каналах РФ і ўвогуле падтрымліваў вайну супраць Украіны, нагадвае Казанскі.