Іран абвінаваціў ЗША ў парушэнні 3 з 10 пунктаў свайго рамкавага пагаднення

• 9.04.2026, 10:20

Рэжым аятолаў настойвае на сваім плане.

Спікер парламента Ірана Махаммад Багер Галібаф заявіў, што ЗША парушылі 3 з 10 пунктаў іранскага рамкавага пагаднення яшчэ да пачатку перамоваў.

На старонцы ў X ён напісаў, што прапанова Ірана з 10 пунктаў з'яўляецца «працоўнай асновай для перамоваў».

Аднак Галібаф абвінаваціў ЗША ў невыкананні рэжыму спынення агню ў Ліване, у пранікненні беспілотніка ў іранскую паветраную прастору ў горадзе Лар, а таксама ў адмаўленні права Ірана на ўзбагачэнне ўрану.

«Цяпер сама «працоўная аснова для перамоваў» была адкрыта і відавочна парушаная яшчэ да пачатку перамоваў. У такіх умовах двухбаковае спыненне агню або перамовы з'яўляюцца неабгрунтаванымі», — дадаў спікер парламента Ірана.