Беларусам дазволілі наведаць зону адчужэння без прапуску

• 9.04.2026, 10:29

Абмежаванне знялі ўсяго на чатыры дні.

У Telegram-канале «Гомельшчына афіцыйна» паведамілі, што з 18 па 21 красавіка на тэрыторыях зон адчужэння і адсялення з кантрольна-прапускным рэжымам дазволена наведванне без прапускаў. Нагадаем, у аўторак, 21 красавіка, у Беларусі адзначаць Радаўніцу.

Аднак абавязкова трэба будзе зарэгістравацца на КПП. Наведваць зону адчужэння можна будзе з 8:00 да 17:00. Каб трапіць на могілкі, трэба мець пры сабе пашпарт або іншы дакумент, які пацвярджае асобу, а таксама дакументы на транспарт, калі вы прыехалі на аўтамабілі.

На тэрыторыю Палескага дзяржаўнага радыяцыйна-экалагічнага запаведніка можна ўехаць толькі праз КПП.