У Беларусь можа прыйсці агрэсіўная рыба-захопнік

• 9.04.2026, 11:22

Яна здольная нанесці сур'ёзную шкоду вадаёмам.

У вадаёмы Беларусі можа прыйсці чарговая шкодная рыба. Што гэта за від, распавяла загадчыца лабараторыі іхтыялогіі НПЦ Нацыянальнай акадэміі навук Беларусі па біярэсурсах Алена Гайдучэнка на прэс-канферэнцыі.

«Мы чакаем сонечнага акуня. Ён ужо ля межаў. Што называецца, вораг ля варот. Рана ці позна гэтая рыба з'явіцца ў нашых экасістэмах», – заявіла Гайдучэнка.

Між тым яна дапусціла, што акунь ужо мог пранікнуць у нашу экасістэму, але, каб высветліць гэта, патрэбныя дэталёвыя даследаванні.

Сонечны акунь здольны нанесці вялікую шкоду экасістэме. Ён хутка размнажаецца, а сілкуецца ікрой іншых відаў. Гэтая рыба ядомая, але мае невялікі памер, а значыць, уяўляе і малы інтарэс для рыбакоў.