На мяжы Беларусі і ЕС скупіліся сотні фур і аўто

• 9.04.2026, 13:16

Найбольшыя чэргі — на польскім напрамку.

Больш за 800 фур і 750 легкавых аўто чакаюць уезду ў Польшчу і Літву. Пра гэта паведамілі ў Дзяржпагранкамітэце ў чацвер, 9 красавіка.

Паводле даных Дзяржпагранкамітэта, каля 600 грузавікоў фіксуецца перад польскімі памежнымі пераходамі Баброўнікі (Бераставіца) і Кукурыкі (Казловічы).

Перад літоўскімі пунктамі пропуску Мядзінінкай (Каменны Лог) і Шальчынінкай (Беняконі) чакаюць 210 грузавых аўто.

Што да легкавых аўто, уезду ў Польшчу перад памежнымі пераходамі Цярэспаль (Брэст) і Кузніца Беластоцкая (Брузгі) чакаюць 687 аўто.

Перад Мядзінінкай (Каменны Лог) і Шальчынінкай (Беняконі) ўезду ў ЕС чакаюць адпаведна 50 і 20 легкавых аўтамабіляў.