Былы «народны губернатар ДНР» назваў Пуціна «пятрушкай»

• 9.04.2026, 17:59

І «выпадковым чалавекам» на пасадзе прэзідэнта.

Расійскі дыктатар падвергся крытыцы з боку былога «народнага губернатара» самапрагалошанай «Данецкай народнай рэспублікі» Паўла Губарава. У інтэрв’ю Юрыю Дудзю ён выказаў незадавальненне нерэшучасцю Пуціна. Губараў нагадаў, што пасля анексіі Крыму РФ не стала адкрыта пачынаць аперацыю па захопе Данбаса.

«Найбольш правільным было ўвесці войскі, — заявіў адзін з галоўароў тэрарыстаў. — То-бок як у 22-м… Калі б у 14-м годзе так увялі, было б ідэальна — не было б гэтай крыві… Мы ж прасілі: «Пуцін, увядзі войскі». Наіўныя былі дурні, верылі ва ўсё гэта».

Губараў адзначыў, што больш не злуецца на Пуціна і лічыць яго «менеджарам» без паўнамоцтваў на прыняцце рашэнняў.

«Я проста зразумеў, што гэта не цар, — сказаў ён. — Гэта чалавек, які 25 гадоў працуе, ну, не на сваім месцы знаходзіцца… Гэта выпадковы чалавек, а выпадковых людзей ва ўладзе не бывае. Калі ты выпадковы чалавек ва ўладзе, значыць, ты пятрушка. Вось і ўсё. Чыя? Гэта ўжо іншае пытанне».